बाजारभाव

तूर उत्पादकांसाठी महत्वाचा अलर्ट; अन्यथा नंतर…

किसानवाणी | महासीड्स फार्मर्स कंपनीचे संचालक विठ्ठलराव पिसाळ कळवतात, की तूर उत्पादनाचे अनुमान राज्याने केंद्राला वेळेवर सादर करावे आणि MSP खरेदी प्रस्ताव द्यावा. म्हणून याबाबत स्थानिक आमदार व खासदारांकडे सुद्धा पाठपुरावा करावा. राज्याअंतर्गत उत्पादनाच्या 25% भाग MSP योजनेत खरेदी होतो.

वेळेवर पाऊस पडल्यामुळे जूनच्या पहिल्या पंधरवड्यात तुरीची पेरणी झाली आहे. त्यामुळे नोव्हेंबरच्या शेवटच्या आठवड्यात आवक सुरू होईल. तर डिसेंबरमध्ये उच्चांकी आवक राहील. म्हणून खरेदी केंद्र हे नोव्हेंबरमध्ये सुरू होणे अपेक्षित आहे. त्या करिता उत्पादनाचे अनुमान व MSP खरेदी प्रस्ताव हे आक्टोबरच महिन्यात केंद्राकडे सादर झाले पाहिजेत.

राज्याने पिकाखाली क्षेत्र व अनुमानित उत्पादन हे केंद्रला वेळेवर कळवणे; 25% उत्पादन खरेदी प्रस्ताव देणे हा प्राधान्यक्रम आहे. त्यानंतर केंद्र सरकार मंजुरी देते. राज्य सरकारने खरेदी केंद्र सुरू करणे, स्टेट लेवल एजन्सीला बँक गॅरंटी देणे, पुढे स्टेट लेवल एजन्सीने बारदना उपलब्ध करणे आदी कामे क्रमप्राप्त आहेत व ही कामे राज्य सरकारची आहेत.

वरती खासदारांकडे पाठपुरावा करावा असा उल्लेख आहे, तो केंद्र सरकारच्या बाबतीत असून त्याबरोबरच राज्याअंतर्गत पाठपुराव्यासाठी आमदारांकडे पाठपुरावा करणे गरजेचे आहे. तूर एमएसपीच्या खाली ट्रेड होऊ नये यासाठी सर्वांनी काळजी घेतली पाहिजे.

यंदा देशात तुरीचे क्षेत्र 50 लाख हेक्टर होते. त्यापासून 44 लाख टन उत्पादन अनुमानित आहे. येत्या हंगाम वर्षांत शिल्लक साठे व नियोजित आयात मिळून एकण पुरवठा साधारण 57 लाख टन होईल. त्या तुलनेत देशांतर्गत तुरीची मागणी 43 लाख टन आहे. म्हणजे पुरवठा आधिक्य आहे. देशांतर्गत मागणीच्या तुलनेत येत्या हंगामात तुरीचा पुरवठा अधिक राहील असे दिसते. (आकडेवारी आधार – केंद्रीय कृषी मंत्रालय, नाफेड.)

त्यामुळे जागरूक तूर उत्पादकांना आवाहन आहे, की आपल्या मतदारसंघातील खासदारांना वरील आकडेवारी/ माहिती कळवावी, आणि महाराष्ट्रासाठी आधारभावाने तूर खरेदीचा पुरेसा कोटा मंजूर करून घेण्यासाठी आतापासून दिल्लीत पाठपुरावा करण्याची विनंती करावी.

दीपक चव्हाण,
कृषी अभ्यासक, पुणे

Kisanwani

Share
Published by
Kisanwani

Recent Posts

किड नियंत्रणामध्ये कामगंध सापळ्यांचे महत्व; कामगंध सापळ्यांचे प्रकार, उपयोग आणि व्यवस्थापन..!

किसानवाणी | निसर्गामध्ये काही कीटक शेतकऱ्यांचे मित्र तर काही शत्रु असतात. या शत्रू किडी पिकांचे… Read More

May 10, 2022

PM Kisan : घरबसल्या eKYC बंद, ‘असा’ आहे नवा नियम; 11 वा हप्ता लवकरच खात्यावर जमा

नवी दिल्ली | पंतपधान किसान सन्मान निधी योजनेच्या (Prime Minister Kisan Samman Nidhi Yojana) लाभार्थी… Read More

April 6, 2022

शेतीमध्ये पिकवण्यापासून विकण्यापर्यंतचे कौशल्य.. मग ते धान्य असो वा मशीन.. सर्वच बाबतीत ‘ही’ महिला आहे अग्रेसर

किसानवाणी : शेतीतील पेरणीपासून कापणीपर्यंत आणि त्यापलीकडे कृषी क्षेत्रातील सर्व कामांमध्ये महिला शेतकरी वर्गाचे योगदान… Read More

March 8, 2022

गोपीनाथ मुंडे शेतकरी अपघात विमा योजना शेतकऱ्यांसाठी वरदान, ‘या’ पद्धतीने करावा लागतो अर्ज

किसानवाणी | भारताची अर्थव्यवस्था शेती क्षेत्रावर अधिक अवलंबून आहे. शेती क्षेत्राला भारतीय ग्रामीण अर्थव्यवस्थेचा कणा… Read More

January 22, 2022

दिवसाला 4 हजारापर्यंतची कमाई देणारा शेतीपूरक व्यवसाय; छोट्या मशीन द्वारे मोठा उद्योग तोही घरातूनच!

किसानवाणी : कोरोना मुळे उद्भवलेल्या परिस्थितीने अनेकांच्या नोकऱ्या गेल्या, तर अनेकांना त्यांच्या व्यवसायात मोठं नुकसान… Read More

December 31, 2021

नियमित कर्जफेड करणाऱ्या शेतकऱ्यांच्या 50 हजार रुपये प्रोत्साहनपर सानुग्रह अनुदानाबाबत महत्वाची बातमी

किसानवाणी | महाविकास आघाडी सरकारने सत्ता स्थापन करतेवेळी राज्यातील थकबाकीदार शेतकऱ्यांचे दोन लाखापर्यंत कर्ज माफ… Read More

December 27, 2021